Shymbulaq TMD boıynsha úzdik demalys oryndarynyń úshtigine endi
NUR-SULTAN. QazAqparat - Reseılik TýrStat sarapshylar agenttigi TMD elderi arasyndaǵy jazǵy demalysty ótkizý oryndarynyń reıtingisin jarııalady. Shymbulaq taý-shańǵy kýrorty taǵy da úzdikter qatarynda, dep habarlaıdy Qazaqstan Respýblıkasynyń Reseı Federatsııasyndaǵy elshiliginiń baspasóz qyzmeti.
Saraptama boıynsha Іle-Alataý shyńyndaǵy «Shymbulaq» taý shańǵy kýrorty úzdik úshtikke kirip, ekinshi oryndy ıelengen. Jazǵy demalysty belsendi ótkizýge qolaıly dep Sochıdiń qyzyl alańy atalsa, úshinshi orynda Qyrym kýrorty tur.
Bul reıtıng kýrorttardyń tanymaldylyǵy men ınfraqurylymynyń damýy jáne kóliktik qoljetimdilik boıynsha jasalǵan. Sarapshylardyń pikirinshe, «Shymbulaq» taý shańǵy kýrortynyń qalaǵa jaqyn ornalasýy týrıstterdi, ásirese jaıaý júrginshilerdi kóptep qyzyqtyrady.
«Árıne bul jetistikter aýqymdy jumystardyń nátıjesi. Jyl saıyn bizge kelýshiler sany artyp otyrǵany ras. Byltyr qys pen jaz mezgilderin eseptegende 550 myń adamdy qabyldadyq. Al bıyl bul kórsetkish 100 myńǵa artyp otyr. Olardyń 25 paıyzynan astamy sheteldikter», - deıdi «Shymbulaq» taý shańǵy kýrortynyń damý boıynsha bas menedjeri ıÝrıı Kohovıch.
