Shymbulaq taý shańǵysy kýrortynyń mańynda birneshe qar kóshkini júrdi

ALMATY. QazAqparat - «Qazgıdromet» RMK usynysy negizinde Shymbulaq taý-shańǵy kýrorty aýmaǵynda demalýshylardyń qaýipsizdigin qamtamasyz etý, sondaı-aq bıiktikte jáne qar jamylǵysynyń turaqsyz jaǵdaıyna baılanysty (qardyń bıiktigi 90-140 sm) qoldan qar kóshkini júrgizildi, dep habarlaıdy QazAqparat»Qazseldenqorǵaý» baspasóz qyzmetine silteme jasap.

29 naýryzda Kishi Almaty ózeniniń alabyndaǵy №26B qar kóshkinderin jınaý ornynda (Talǵar asýy) qar túsirý jumystary júrgizildi. Túsirilgen qar kólemi 900 tekshe metrdi qurady, qar kóshkini taý shańǵy trassasyna jetpeı eńiske toqtady.

Sol sııaqty, №56 qar kóshkinin jınaý ornynan da túsirilgen qar kólemi 5000 tekshe metrdi qamtydy, qar kóshkini taý baýraıynyń eteginde toqtady.

Profılaktıkalyq jumys barysynda zardap shekkender men shyǵyndar bolǵan joq.