Shymbulaq taý shańǵysy kýrortyna kelgen sportshylar jumsaǵan ár eýro 10 ese kiris ákeledi
al 50 shaqyrymdyq radıýstaǵy ózge kýrorttarǵa - 6 eýro kiris kirgizedi. Bul búgin Almatyda ótken «QR-nyń 2010-2014 jyldarǵa arnalǵan údemeli ındýstrııalyq-ınnovatsııalyq memlekettik baǵdarlamasy aıasynda Almaty qalasynda týrızm salasyn damytý» dep atalatyn respýblıkalyq semınarda sóz boldy.
«Shymbulaq taý shańǵysy kýrorty qazir sportshylardyń ǵana otbasylyq demalys ornyna aınaldy. Medeý men Shymbulaq sport keshenderi arasyndaǵy 4 572 metr aspaly jol saǵatyna 2 myń adamǵa qyzmet kórsete alady. Uzyndyǵy boıynsha ol AQSh-taǵy Kellog (4 979 metr) pen Frantsııadaǵy Orel (4 942 metr) aspaly joldarynan keıin álemde úshinshi orny alady. Bıyl Medeýdegi bazalyq stansy men Shymbulaqtaǵy jańa ǵımarattar iske qosylady. Endi kýrorttyń ótkizý múmkindigi kúnine 5 myń adamdy quraıdy. Bul ondaǵy buǵan deıingi jyldardaǵy kórsetkishten 6 ese artyq», - deıdi «Chimbulak Development» JShS-niń atqarýshy assıstenti Igor Gaıanov. Onyń aıtýynsha, Shymbulaq taý shańǵysy kýrortyn keshendi damytýǵa jumsalǵan ınvestıtsııanyń kólemi 200 mıllıon dollardy quraıdy. Ol Qazkommertsbank pen Qazaqstan damý bankinen nesıege alynǵan.
