Shymbulaq taý-shańǵy kýrortynda órtten zardap shekken ınfraqurylym qaıta qalpyna keltiriledi
ALMATY. QazAqparat – Búgin Shymbulaq taý-shańǵy kýrortynda órtten zardap shekken ınfraqurylym qaıta qalpyna keltiriledi. Bul týraly taý-shańǵy kýrortynyń qyzmetkerleri Shymbulaq TShK saıtynda jazdy, dep habarlaıdy QazAqparat tilshisi.
«Beı-jaı qalmaı, qoldaý maqsatynda aq tilek bildirgen jandardyń barlyǵyna shyn júrekten alǵys aıtamyz! Biz úshin bul óte qundy. Eń bastysy – adamdar zardap shekpedi. Infraqurylymdy biz mindetti túrde qalpyna keltiremiz», - delingen baspasóz relızinde.
Sondaı-aq olar «Kombı-2» aspaly joly endi qashan iske qosylatyny belgisiz ekenin habarlady. Sebebi, eń aldymen órttiń aspaly joldyń mańyzdy tehnıkalyq quramdas bólikterine áser etpegenin anyqtap alý kerek eken.
Eske salaıyq, búgin tańǵy saǵat 5:30-dar shamasynda Shymbulaq taý-shańǵy kýrortynda «Oblaka» atty úsh qabatty restobar órtke oranǵan. Sol sebepti «Kombı-2» aspaly jolynyń jumysy toqtatylǵan bolatyn.
Keıin órt saǵat 08:05-te oqshaýlanyp, saǵat 08:30-da sóndirildi. Qaza tapqandar men zardap shekkender bolǵan joq. Órt aýmaǵy 800 sharshy metrdi qurady. Órttiń shyǵý sebebi anyqtalyp jatqanyn habarlaǵanbyz.
