«Shymbulaq» sport kesheni Azııa oıyndaryna daıyn - A.Esimov
ALMATY. 24 qańtar. QazAqparat /Erbol Azanbek/ - Elimizdiń maqtanyshy - «Shymbulaq» taý shańǵy kesheni 7-Qysqy Azııa oıyndaryna daıyn.
Bul týraly qala ákimi Ahmetjan Esimov ótken senbi kúni demalys kesheniniń resmı ashylýynda aıtty.
Ákim nysan basshylarynyń úlken jumysty júzege asyrǵanyn atap ótti. «Endi otandyq demalys ornynyń 
qurylymy barlyq zamanýı talaptarǵa saı keledi»,- dedi qala ákimi.
Osy keshte qala ákimi belgili baıker Dmıtrıı Petrýhın alyp kelgen Azııanyń olımpıadalyq keńesiniń jalaýyna qol qoıdy. Jalaýǵa buǵan deıin 45 eldiń olımpıadalyq komıtetiniń basshylary qol qoıǵan bolatyn. «Kóptegen elder ekvatorlyq aımaqta ornalasqandyqtan olardyń sportshylary oıyndarǵa qatysa almaıdy. Alaıda qatysýshy elderdiń sany basym»,- degen baıker, óziniń eki kún buryn ál-Kýveıtten oralǵanyn jetkizdi.
