Shymbulaq reseılikter belsendi demalatyn kýrorttardyń úzdik úshtigine endi
ASTANA. QazAqparat - Forbes jáne RoomGuru.ru qonaq úı izdeý júıesi birigip, belsendi demalýǵa arnalǵan Reseıdegi jáne sheteldegi úzdik kýrorttardyń tizimin jarııalady.
Demalys qunyna eki adamǵa Máskeýden baryp, qaıtý bıleti, ekit adamǵa arnalǵan qonaq úı shyǵyny engen.
Osy ólshem boıynsha Shymbulaq jazǵy ýaqytta belsendi demalatyn kýrorttar arasynda ekinshi orynǵa ıe boldy.
RoomGuru.ru málimetine súıensek, eki adamǵa arnalǵan Shymbulaqtaǵy bir apta demalys quny 39 myń rýbl (195 000 teńge). Al Máskeýden ushyp kelý/ushyp ketýdi qosqanda, 81 myń rýbl (405 000 teńge).
Belsendi jazǵy demalysqa arnalǵan kýrorttardyń úzdik ondyǵy:
1. Krasnaıa Polıana (Sochı), 101,4 myń rýb. (eki adamǵa arnalǵan bir aptalyq demalys quny)
2. Shymbulaq (Almaty, Qazaqstan), 80,7 myń rýb.
3. Shahdag (Ázerbaıjan), 61 myń rýb.
4. Sheregesh (Kemer oblysy), 65,4 myń rýb.
5. Bakýrıanı (Grýzııa), 55,6 myń rýb.
6. Býkovel (Lvov, Ýkraına), 55,3 myń rýb.
7. Insbrýk (Aýstrııa), 141,2 myń rýb.
8. La Molına (Barselona, Ispanııa), 94 myń rýb.
9. Bıarrıts (Frantsııa), 151,8 myń rýb.
10. Engadın - Sankt-Morıts (Tsıýrıh, Shveıtsarııa), 137 myń rýb.
