Shymbulaq pen Úlken Almaty kóline baratyn jol jabyldy
ALMATY. QazAqparat - Almaty qalasynyń tótenshe jaǵdaılar departamenti taýda abaı bolýǵa shaqyrdy, dep habarlaıdy QazAqparat tilshisi.
Almaty qalasy Tótenshe jaǵdaılar departamenti taratqan málimetke sáıkes, qar kóshkini qaýpine baılanysty qaýipsizdikti qamtamasyz etý maqsatynda qazirgi ýaqytta Úlken Almaty jáne Kishi Almaty kóli men Shymbulaqqa baratyn joldar jabylyp, beketter qoıyldy.
«Úlken jáne Kishi Almaty ózenderiniń alqabtarynda aıtarlyqtaı jaýyn-shashynnyń túsýine jáne qar jamylǵysynyń turaqsyz jaı-kúıine baılanysty 2 ekıpaj polıtsııa departamentiniń kúshterimen halyq pen avtokóliktiń qozǵalysyn shekteý úshin (Aıýsaı shatqalynan joǵary jáne Shymbulaq-Edelveıs avtojolynda) (joldar jabyq) blok beketter qoıyldy»,- dep habarlady departamentten.
Qutqarýshylar turǵyndardy qar kóshkinin týdyrmaý úshin taý betkeılerine shyqpaýǵa, sondaı-aq jeke qaýipsizdik sharalaryn saqtaýǵa, taýda jaıaý serýendeýden bas tartýǵa shaqyrady.
Buǵan deıin sınoptıkter, 25-27 aqpan aralyǵynda taýly aımaqtarda qar aralas jańbyr jaýyp, qalyń tuman túsip, qóktaıǵaq bolatynyn eskertken edi.
