Shymbulaq boıynsha másele 20 jeltoqsanǵa deıin naqty sheshilýi kerek - Premer-mınıstr
ALMATY. 9 jeltoqsan. QazAqparat /Elena Ilınskaıa/ - Premer-mınıstr Kárim Másimov «Shymbulaq» shańǵy bazasyndaǵy nysandardyń qurylysymen baılanysty máseleni 20 jeltoqsanǵa deıin sheshýge shaqyrdy.
Úkimet basshysy búgin Almatynyń sporttyq nysandaryn aralaǵannan keıin ótken keńeste Shymbulaqtyń ázirge Azıada oıyndaryna daıyn emestigi týraly sport mınıstri Temirhan Dosmuhambetovtyń eskertýine bergen jaýabynda osylaı dedi.
K.Másimov sondaı-aq logıstıka, qoǵamdyq tártip, sheteldik delegatsııalardy tamaqtandyrý máselelerine nazar aýdarýǵa jáne jaqsylap oılastyrýǵa keńes berdi. Azyq-túlik ónimderiniń tekserilý jáne sertıfıkattalýy kerek ekenin de aıtyp ótti.
Barlyq qyzmetterdi jedeldetilgen rejımde jumys isteýge shaqyrǵan Úkimet basshysy: «Adamı faktor árqashan bolady, biraq bosańsýǵa bolmaıdy. Sammıtti qalaı jaqsy ótkizsek, Azıadany da solaı ótkizýimiz kerek»,- dep atap kórsetti.
