Shymbulaq balalarmen baryp demalýǵa bolatyn taý kýrorttarynyń úzdik úshtigine endi
ASTANA. QazAqparat - RoomGuru.ru qonaq úı izdeý qyzmeti kóktemgi snoýbordqa arnalǵan jáne balalarmen birge demalýǵa bolatyn tanymal taý kýrorttarynyń tizimin jasady.
Reıtıng 2017 jyldyń 25-31 naýryz kúnderi balalarmen turýǵa arnalǵan qonaq úılerdi brondaý derekteri boıynsha quryldy.
TýrStat agenttiginiń derekterine súıensek, 2017 jyly balalarmen saıahat jasaý sany ótken jylmen salystyrǵanda 10%-ǵa ósken.
Shymbulaq kóktemgi taý-shańǵy demalysy boıynsha úshinshi orynǵa taban tiredi.
Sheregesh (RF Kemerov oblysy), Lıvıno (Italııa), Shymbulaq (Almaty, Qazaqstan), Hıbıny (RF Mýrmansk oblysy) jáne Shahdag (Gýsar, Ázerbaıjan) kóktemgi ýaqytta balalarmen qydyrýǵa arnalǵan tanymal taý kýrorttarynyń alǵashqy bestigine kiredi.
RoomGuru.ru qyzmetiniń habarlaýynsha, Shymbulaqta týrıster otbasylyq demalys úshin qonaq úı, tamaqtaný jáne skı-passty qosqanda táýligine shamamen 150 dollar jumsaıdy.
Balalarmen barýǵa arnalǵan sheteldik qalalardyń úzdik bestigine Praga, Tallın, Mınsk, Býdapesht jáne Barselona qalalary engen.
RoomGuru.ru - HotelsCombined.com qyzmetiniń reseılik saıty, World Travel Awards syılyǵy sońǵy tórt jylda úzdik qonaq úı izdeýshi dep tanyǵan.
