Shymbulaq aspaly joly ýaqytsha jabyldy
ALMATY. QazAqparat - Almatyda Shymbulaq pen Medeýdegi aspaly joldar ýaqytsha toqtatyldy, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
Qysqy maýsymdaǵy úzdiksiz jumysty qamtamasyz etý maqsatynda barlyq aspaly jáne gandol joldarynda jyl saıynǵy profılaktıkalyq jóndeý jumystary júrgiziledi.
Sondyqtan bul nysandar bıyl 1-31 qazan aralyǵynda jabyq turady.
Aıta ketý kerek, Shymbulaq keshenindegi qonaq úıler men meıramhanalar shtattyq rejimde jumys isteıdi. Sonymen qatar, arqandy park pen akrobatıkalyq batýt senbi jáne jeksenbi kúnderi ǵana týrıster men qala turǵyndaryn qabyldaıdy.
