Shymbulaq, Altaı Alpileri men Nurtaý – TMD-nyń úzdik kýrorttary

NUR-SULTAN. QazAqparat –TMD elderiniń úzdik taý-shańǵyly kýrorttarynyń reıtıngin jarııalandy, dep habarlaıdy QazAqparat TýrStat portalyna silteme jasap.

Portaldyń málimetinde, TMD elderindegi úzdik taý-shańǵyly kýrorttary Qazaqstan, Belarýs, Qyrǵyz Respýblıkasy, Ázerbaıjan men Armenııada ornalasqan.

«Týrıster jıi baratyn taý-shańǵyly kýrorttardyń alǵashqy úzdik ondyǵyna Qazaqstandaǵy taý-shańǵyly kýrorttary Shymbulaq, Altaı Alpileri men Nurtaý, Belarýstegi Logoısk pen Sılıchı, Ázerbaıjandaǵy Shahdag pen Týfandag, Armenııadaǵy Tsahkadzor, Qyrǵyz Respýblıkasyndaǵy Qarakól, Ózbekstandaǵy Shymǵan kiredi», - delingen habarlamada.

TOP10 kirgen Shymbulaq Almaty, al Altaı Alpileri men Nurtaý taý-shańǵyly kýrorttary Shyǵys Qazaqstan oblysynda ornalasqan.