Shymbulaq - álemdegi eń úzdik 10 taý shańǵysy kýrorttarynyń biri
ASTANA. 21 naýryz. QazAqparat - «Forbes» jýrnaly Shymbulaqty kóktemde vızasyz barýǵa bolatyn álemdegi eń úzdik 10 taý shańǵysy kýrorttarynyń qataryna jatqyzdy.
Bedeldi basylymnyń baǵalaýynsha, «Shymbulaq» kýrortynyń basty quraly - marshrýttardyń alýan túrliligi, olardyń ishinde jańa bastaǵandarǵa arnalǵan eńis jáne jumsaq yldılar, sábıler úshin nusqaýshysy bar balalar parki, daıyndyǵy jaqsy shańǵyshylarǵa arnalǵan uzyn trassalar, saıahatshylar marshrýttary, aıaq baspaǵan qarly jabaıy alqaptar jáne snoýbordshylar half-paıpi, kásibı mashyqtanǵandar úshin ǵajaıyp ekstremaldy burylystar, áýesqoılardyń arnaıy trassasy kelýshilerdi kútýde. Buǵan qosa, snoýparkte tıýbıng trassasy da bar, al jyldam túsýge jáne slalom-gıgantqa arnalǵan trassalar kúrdeli trassalardyń álemdik ondyǵyna kiredi, deıdi Forbes.
Taý shańǵysy kýortynyń kóptegen artyqshylyqtarynyń biri retinde basylym bul jerde túnde shańǵy tebýdiń de qoljetimdiligin atap kórsetken.
