Shym shahardyń ákimi turǵyndarǵa úndeý jarııalady
ShYMKENT. QazAqparat - Shym shahardyń ákimi turǵyndarǵa úndeý jarııalady. Ǵabıdolla Ábdirahymov qala ortalyǵyndaǵy úılerde mal ustaý derekteri anyqtalsa, tez arada habar berýdi surady , dep habarlaıdy QazAqparat HAA tilshisi.
Shahar basshysynyń mundaı qadamǵa barýyna sońǵy kezderi sanıtarlyq tazalyq jaǵdaılarynyń kúrt nasharlap ketýi sebep bolǵan. Ákimniń sózinshe, osyndaı keleńsizdikterdiń saldarynan qalada shybyndar qaptap, sasyq ıis jaılap ketken. Bul qalanyń sanıtarlyq jaǵdaıyna áser etýde.
«Qalanyń árbir turǵyny mal ustaıtyn, mal soıatyn adamdar maldarynyń barlyǵyn qalanyń syrtyna shyǵarýy kerek. Basqa azamattar eger osyndaı jaǵdaılardy kóretin bolsa, bizge jedel anyktama retinde habarlama bersin. Biz qaǵıdany oryndamaı otyrǵan turǵyndarǵa shara qoldanamyz. Polıtsııa qyzmeti de osy máselemen aınalysýy tıis», - dedi Ǵabıdolla Ábdirahymov.
Shymkent ákimi turǵyndardy qalada mal ustaý tártibi belgilengen erejege sáıkes júrgizilýi tıis ekenin eskertti. Olaı bolmaǵan jaǵdaıda tıisti shara kórilmek. Bul qujat qalalyq máslıhat depýtattarymen belgilengen bolatyn.
