Shylymqumardyń otbasy temeki kompanııasynan 23 mlrd. dollar óndirip aldy

Amerıkanyń Florıda shtatyndaǵy sot AQSh-tyń R. J. Reynolds Tobacco temeki kompanııasyna ókpe obyrynan kóz jumǵan shylymqumar adamnyń otbasyna 23,6 mlrd. dollar ótemaqy tóleýdi mindettedi, dep jazady sheteldik BAQ.

Sot isi 6 jylǵa sozyldy. Marqumnyń áıeli Sıntııa Robenson Temeki kompanııasyna 2008 jyly shaǵym túsirgen bolatyn. Onyń kúıeýi Maıkl Djonson 1996 jyly 36 jasynda kóz jumdy.

«Djonson temeki shegýdi 13 jasynan bastady. Ol kúnine 3 qorap temeki shegetin jáne ómiriniń sońyna deıin ol ádetten aryla almaı ketti», - deıdi Sıntııa Robensonnyń advokaty Krıs Chestnat.

Advokattyń aıtýynsha, temeki kompanııasy temekiniń zııany týraly aqparatty adamdarǵa durys jetkize almaǵan. Al bul olqylyqtary Djonsondy temekige áýes qylyp, sońynda ólimine sebepker bolǵan.

Aldymen qazylar Reynolds Tobacco kompanııasy Robınsonnyń otbasyna 16,8 mln. dollar ótemaqy tóleıdi dep sheshken bolatyn. Keıin 7 saǵattyq talqylaýdan soń bul soma 23,6 mlrd. dollarǵa ulǵaıtty. Jeke tulǵaǵa bundaı iri kólemdi ótemaqy tóleý shtat tarıhynda bolmaǵan kórinedi. Al Reynolds Tobacco kompanııasynyń zańgerleri sottyń bul sheshimine narazylyq bildirip otyr.