Shylym shekken qaraǵandylyqtarǵa 32 mln teńge aıyppul salyndy
QARAǴANDY. QazAqparat - Qaraǵandyda temeki tartqandar 32 mıllıon teńgeden astam aıyppul salyndy. Alty aıda jınalǵan aıyppuldyń somasy osyndaı, dep habarlaıdy QazAqparat tilshisi.
Qaraǵandy oblystyq ishki ister departamenti ókilderiniń aıtýynsha, 2018 jyldyń basynan beri alty myńǵa tarta adamǵa aıyppul salynǵan. Adamdar kóbinese úılerdiń kireberisinde, kópshilik demalys oryndarynda jáne memlekettik uıymdarda shylym tartyp, zańdy buzady.
Qaraǵandy oblysynda kópshilik demalys oryndarynda temeki tartqan 192 turǵyn jaýapqa tartylǵan. Memlekettik uıymdarda temeki tartqan 274 adam, bilim mekemelerinde 988 adam, úılerdiń kireberisinde temeki tútinin burqyratqan 2074 adam ákimshilik jaýapqa tartylǵan.
