Shylym shegý ókpe ragy qaýpin týdyrady - N.Baltabekov
ALMATY. 3 jeltoqsan. QazAqparat /Ádilet Musahaev/- Elimizde 10 jyldan astam ýaqyt boıy ókpe ragynyń jeńil túri onkologııalyq arýlar arasyndaǵy adam óliminen birinshi orynda keledi. Bul jaıynda búgin Almaty qalalyq onkodıspanseriniń Bas dárigeriniń orynbasary Nurlan Baltabekov Almatyda ótip jatqan ǵylymı-tájirıbelik konferentsııada aıtty.
2008 jyly Qazaq onkologııa jáne radıologııa ǵylymı-zertteý ınstıtýty Qazaqstan boıynsha ókpe ragyna jańadan ushyraǵan 3598 oqıǵany anyqtaǵan, ókinishke oraı olardyń teń jartysy 59,3 paıyzy aýyrǵan ýaqyttan bergi bir jyl ishinde kóz jumǵan. «Bizde 70 paıyzdan asa onkologııalyq tynys joldary aýrýynyń asqynǵan túri tirkelýde, mundaı kezde eshqandaı em kómektespeıdi. Sondyqtan dıagnoz qoıylǵan eki naýqastyń biri jyl ishinde ómirden ótip jatady», -deıdi N.Baltabekov.
Sonymen qatar mamandar aldyn ala dıagnoz qoıylyp, em qabyldaıtyn bolsa naýqas saýǵyp ketetindigin aıtýda.
N.Baltabekovtyń aıtýynsha, kúnine 1 qorap shylym shegýshilerdiń ókpe ragyna ushyraý qaýpi 10 ese kóp, al eki qorap shylym shegetinderdiki 20 ese, sonymen qatar temekiniń sany ǵana emes onyń merzimi de úlken ról atqarady eken. Adam erte kezden shylymǵa áýes bolǵan saıyn onyń ókpe ragyna ushyraý qaýpi de joǵary bolady eken.
«Elimizdegi jaǵdaı 1992 jylǵa qaraǵanda azdap jaqsaryp qaldy, óıtkeni ol kezde mundaı dertke shaldyqqan 5300 oqıǵany anyqtasaq, qazir bul kórsetkish 2980-ge jetip otyr. Bul elimizdiń onkologtarynyń jemisti jumys atqaryp jatqandyǵyn kórsetedi. Biz jumys úrdisin jaqsartyp qana qoımaı, shylym shegýdiń zııandy ekendigin jurtshylyqqa keńinen túsindirgimiz keledi», -deıdi N.Baltabekov.
Sondaı-aq mamandar sońǵy kezde elimiz boıynsha shylym shegýge erkekterge qaraǵanda názik jandylar áýes bolyp bara jatqandyqtaryn aıtýda.
