Shylym shegilgen bólme ol jeldetilgennen keıin de densaýlyqqa qaýipti
ASTANA. Aqpannyń 10-y. QazAqparat - Adam temeki tútinin jutpasa da shylym qaterli isikti týyndatady,
dep habarlaıdy QazAqparat Lenta.rý saıtyna silteme jasap.
Kalıfornııa shtatynda ornalasqan Berklıdegi Loýrens (Lawrence Berkeley National Laboratory) atyndaǵy Ulttyq zerthananyń Hıýgo Destaıllats (Hugo Destaillats) jetekshilik etken bir top amerıkandyq ǵalymdar osyndaı baılam jasady.
Temekidegi alkaloıd nıkotıni temeki tartylǵan bólmeniń nemese shylymqorlar avtokólikteri salonynyń ústińgi qabattaryna jınaqtalyp qalady. Zertteý barysynda ǵalymdar nıkotınniń qaldyqtary lastanǵan aýa quramynda bar azot qyshqylynyń býymen reaktsııaǵa túsetinin anyqtady. Osy reaktsııanyń ónimi kantserogendik qasıeti bar zat (nıtrozamın) bolyp tabylady.
Tájirıbe nátıjeleri kórsetkenindeı, reaktsııadan keıin nıtrozamınder bastapqy deńgeıden on ese artatyn bolyp shyqty.
