Shylym qoraptarynan Densaýlyq saqtaý mınıstrliginiń eskertýi joıylady
ASTANA. Jeltoqsannyń 28-i. QazAqparat - 2009 jylǵy jeltoqsannyń 26-synan bastap temeki buıymdaryn óndirýshilerge arnalǵan jańa tehnıkalyq reglament kúshine endi,
dep habarlaıdy QazAqparat Lenta.rý saıtyna silteme jasap.
Qujatqa saı, «Densaýlyq saqtaý mınıstrligi eskertedi: shylym shegý sizderdiń densaýlyqtaryńyz úshin qaýipti» dep jazylǵan dástúrli formýlanyń ornyna qoraptarǵa Dúnıejúzilik densaýlyq saqtaý uıymynyń Temekige qarsy kúres jónindegi basty konventsııasyna saı jazýlar jazylatyn bolady.
Dúnıejúzilik densaýlyq saqtaý uıymynyń erejeleri boıynsha qoraptyń betki jaǵyndaǵy alańnyń 30 paıyzy «Temeki tartý óltiredi» degen jazýǵa berilýi tıis. Qoraptyń artqy betindegi alańnyń jartysyna temekini qoldanýdan keletin zııandy naqtylaı túsetin jazba jazylýy tıis: «Temeki tartý túsik tastaýdy asqyndyrady», «Temeki tartý ókpe qaterli isigine ákeledi», «Temeki tartý belsizdikke ushyratady» jáne t.b.
Tıisti túzetýlerdi engizý úshin temeki óndirisiniń kompanııalaryna jarty jyl ýaqyt bólindi. 2010 jylǵy maýsymnyń 26-synan bastap eski standart boıynsha shylym shyǵarýǵa tyıym salynady. Eski qoraptaǵy sıgaretterdi satý bir jylǵa - 2011 jylǵy maýsymnyń aıaǵyna deıin uzartylýy múmkin.
Búgingi kúni Reseıde 40 mıllıonǵa jýyq shylymqorlar bar. Reseılikter temeki buıymdaryn 13 jastarynan bastap qoldana bastaıdy. Eldegi eresek shylymqorlardyń jartysy kúnine keminde bir qorap temeki tartady.
