Shylym HHІ ǵasyrda 1 mıllıard adamnyń túbine jetedi
ASTANA. 12 shilde. QazAqparat - Dúnıejúzilik densaýlyq saqtaý uıymy «Jahandyq shylym epıdemııasy» atty baıandamasynda shylymnyń 21 ǵasyrda 1 mıllıard adamǵa qasiret ákeletini týraly qorytyndy jasaǵan. Uıymnyń málimetine súıensek, temekiniń zardabynan jylyna 6 mıllıon adam qaza tabady.
Sondaı-aq, temeki ónimderin paıdalanýdan keletin ekonomıkalyq shyǵyn jylyna 500 mıllıard dollardy quraıdy eken. Bul týraly muslim.kz saıty jazady.
Baıandama avtorlary «eger adamzat Dúnıejúzilik densaýlyq saqtaý uıymynyń temekimen kúres konventsııasyna qosylatyn bolsa, 1 mıllıard adam ólimnen aman qalady» dep esepteıdi. «Shylym adamdy ajalynan buryn qabirge jetkizetinin bilemiz. Desek te, bul epıdemııamen kúresetin tıimdi joldar bar», - delingen baıandamada. Uıym sonymen qatar, temekimen kúresýdiń birneshe ádisin usynady. Atap aıtsaq, memleketterde temeki tutynýdy shekteýdiń ulttyq saıasatyn qalyptastyrý, temekiden qutylǵysy keletin jandarǵa qol ushyn berý, shylym jarnamasyna jáne demeýshiligine tyıym salý, temeki ónimderine degen salyqty arttyrý.
Olardyń oıynsha, temekimen kúrestiń tıimdi tásili qoǵamdyq jáne jumys oryndarynda shylym shegýge tyıym salý.
