Shyqqanyna 20 jyldan asqan eski kólikter negizinen Almaty oblysy, Almaty men Qaraǵandyda kóp

ASTANA. QazAqparat - 2022 jylǵy qazanda 106,3 myń avtokólik esepke qoıyldy. Bul ótken jyldyń sáıkes kezeńimen salystyrǵanda 34,9% artyq, onyń ishinde jeńil avtomobılder – 34,7%, júk avtomobılderi – 46,3% artty, avtobýstar – 9,1% azaıdy, dep habarlaıdy QazAqparat.

Ulttyq statbıýro málimetine sensek, Qazaqstanda tirkelgen avtokólik quraldarynyń sany - 4 389,2 myń.

Onyń ishinde 87,6% - jeńil avtomobılder, 10,4% - júk avtomobılderi jáne 2% - avtobýstar.

2022 jylǵy 1 qarashadaǵy jaǵdaı boıynsha respýblıkada jeke tulǵalarynyń menshiginde 3 634,4 myń jeńil avtokólik bar.

Jeńil avtomobılderdiń eń kóp úlesi Almaty oblysynyń (472,7 myń), Almaty qalasynyń (433,1 myń) jáne Shyǵys Qazaqstan oblysynyń (272,5 myń) turǵyndaryna tıesili.

20 jyl buryn shyqqan jeńil avtomobılder Almaty oblysy (318,2 myń), Almaty qalasy (177 myń) jáne Qaraǵandy oblysynda (155,7 myń) basym.

Odan jańalaý jáne shyqqan jyly 3 jyldan aspaıtyn jeńil avtomobılder Almaty (43,4 myń), Astana qalalarynyń (39,9 myń) jáne Qaraǵandy oblysynyń (16,5 myń) enshisinde.