Shyǵystyń myńnan asa jastary saılaýǵa túsip jatyr
ÓSKEMEN. QazAqparat - Qazaqstanda tuńǵysh ret jastar máslıhatynda aýqymdy saılaý ótedi. ShQO-da myńnan astam úmitker tirkelgen, dep habarlaıdy «QazAqparat» HAA.
Jastar parlamentine túrli jastaǵy belsendiler usynyldy, olardyń arasynda oqýshylar da, joǵary jáne orta arnaýly oqý oryndarynyń stýdentteri de, jumysshy jastar da bar. ShQO-daǵy 500-den astam saılaý ýchaskesinde myńnan astam úmitker tirkelgen. Saılaýshylar tek bıýlleten arqyly ǵana emes, sonymen qatar áleýmettik jeliler arqyly da daýys beredi.
Erekshe aıta ketken jón, álemdik praktıkada alǵashqy ret saılaýshylar áleýmettik jelini paıdalanǵaly otyr. Daýys berý búgin, 29 qyrkúıekte aıaqtalady. Saılaý nátıjeleri týraly resmı túrde barlyq daýystardy eseptep bolǵan soń jarııalanady. Keıin saılanǵan depýtattar oblys jastaryn qyzyqtyratyn máseleler boıynsha qala jáne aýdan ákimderine tikeleı suraqtar bere alatyn bolady.
