Shyǵysta ósiriletin balyq kólemi 2030 jylǵa qaraı 4 myń tonnaǵa jetýi tıis
«Búgin forel ósirýmen aınalysatyn sharýashylyqtardyń jumysymen tanystym. Kásiptiń bul túrimen jaqynda aınalysa bastaǵandyqtaryna qaramastan, qarqyndy túrde damýǵa múmkindigi bar bıznes dep senimdi túrde aıta alamyn. Óıtkeni, adam balasy aptasyna kem degende 150 gramm balyq jeýi kerek, al Shyǵys Qazaqstan turǵyndary arasynda ıod jetispeýshiligi sııaqty ózekti másele bar ekenin eskersek, balyqty ratsıonǵa qosý qajettigi aıtpasa belgili. Meniń oıymsha, kóptegen adamdar osy fermalarda ósirilgen foreldiń sapasyn synap ta kórdi. Bul - ekologııalyq taza ónim» dep jazdy oblys ákimi Instagram paraqshasynda.
Onyń aıtýynsha, sharýashylyqtar óz jumysynda otandyq kásiporyndar óndirgen materıaldardy paıdalanady. Al balyq halyqaralyq tájirıbe men tehnologııaǵa saı ósiriledi.
«2030 jylǵa qaraı óńirde ósiriletin balyq kólemi 4 myń tonnaǵa jetýi tıis ekenin atap ótkim keledi. Bul - naqty múdde. Qazir Úkimet basshysy Asqar Uzaqbaıuly Mamınniń tapsyrmasyna sáıkes, biz naqty ındıkatorlar men sýbsıdııalaý, jer ýchaskelerin bólý, ınfraqurylym júrgizý jáne basqa da memlekettik qoldaý sharalarynyń basym baǵyttary kórsetilgen balyq sharýashylyǵyn damytýdyń óńirlik baǵdarlamasyn ázirledik. Munyń bári bıznestiń bul túrin damytýǵa jáne onymen aınalysýǵa ózge de kásipkerlerge jol ashady. Óıtkeni, bizdiń aımaqta bul úshin barlyq qajetti tabıǵı-klımattyq jaǵdaılar bar. Jaqyn arada Shyǵys Qazaqstan balyq eksporty boıynsha eldegi kóshbasshy óńirlerdiń birine aınalatynyna senimdimin» deıdi Danıal Ahmetov.
