Shyǵysta qurastyrylǵan kólikter Tájikstan men Qyrǵyzstanǵa eksporttalady
ASTANA. QazAqparat - Shyǵys Qazaqstan oblysynda qurastyrylǵan kólikter Tájikstan men Qyrǵyzstanǵa eksporttalatyn bolady. Búgin QR Ortalyq kommýnıkatsııalar qyzmetindegi brıfıngte óńir basshysy Danıal Ahmetov osyndaı oıy bar ekendigin jetkizdi, dep habarlaıdy QazAqparat.
«Mońǵolııada, Qyrǵyzstanda, Tájikstanda bolyp, Úkimetteriniń basshylarymyz bizdiń avtomobılderdiń sol naryqtarǵa shyǵýy jaıynda kezdesýler ótkizdim jáne shyǵatyn da bolamyz», - dedi ol BAQ ókilderiniń saýalyna oraı.
Sonymen qatar óńir basshysy tilshilerdiń qazaqstandyq kóilkterdi Aýǵanstan naryǵyna jetkizý múmkindigine qatysty saýalyna jaýap berdi.
«Eger bizdi Aýǵanstanǵa shyǵý múmkindigi bolsa, onda ózimizde qurastyrylǵan kólikterdi Aýǵanstan Respýblıkasynyń naryǵyna da zor qýanyshpen jetkizýge daıynmyn. Biraq, ókinishke oraı ázirshe mundaı belgi baıqalmaıdy. Biraq biz daıyn ekenimizdi aıtqym keledi. 100-den astam «Nıva» kóligin Qytaıǵa jibergenimiz shyndyq. Aýǵanstanǵa da zor qanaǵattanýshylyqpen jibere alar edik», - dedi Danıal Ahmetov.
