Shyǵysta kene qaýpi qyrkúıek aıyna deıin saqtalady
ÓSKEMEN. QazAqparat -Shyǵys Qazaqstanda sáýir aıynan beri 3439 adamdy kene shaqqan, dep habarlaıdy QazAqparat tilshisi.
Qaýipti jándiktiń shabýylyna shaǵym aıtqan adamnyń sany 3000-nan assa da, ólim-jitim tirkelmegen. Kene entsefalıtine tirkelgen 21 jaǵdaı zerthana arqyly rastalyp otyr. Oblystyq qoǵamdyq densaýlyq saqtaý departamentiniń mamandary olardyń barlyǵy emdelip, jazylyp shyqqanyn aıtady.
Kene shabýyly ásirese Óskemen jáne Rıdder qalalarynda, Katonqaraǵaı jáne Zyrıan aýdandarynda kóp tirkelgen. Mamandardyń aıtýynsha, atalmysh aýdandardaǵy tabıǵı demalys oryndarynda kene kóp taralǵan.
«Jyl saıyn respýblıkalyq bıýdjettik baǵdarlama aıasynda kene kóp taralatyn aýmaqtar kóktem men kúz aılarynda eki ret kenege qarsy óńdeledi. Shyǵys Qazaqstanda kene qaýpi sáýir aıynyń 10-ynan qyrkúıek aıyna deıin saqtalady. Kúzdegi shabýyl qarqyny kóktemge qaraǵanda báseń. Bul biraq tabıǵat aıasyna shyǵýdy súıetinderdi bosańsytpaýy kerek» - deıdi departament basshysynyń orynbasary Almıra Mankýtova.
