Shyǵysta arystyqtarǵa kómek jınaıtyn shtab quryldy

ÓSKEMEN. QazAqparat - Shyǵys Qazaqstan oblysynda da Arys qalasynyń turǵyndaryna kómek kórsetetin arnaıy jumys shtaby quryldy, dep habarlaıdy QazAqparat tilshisi.

Shtabty oblys əkimi Danıal Ahmetov basqarady. Bul týraly aımaq basshysy arnaıy brıfıngte aıtty.

Memlekettik organdar men iri kásiporyndardyń basshylary, buqaralyq aqparat quraldarynyń qatysqan brıfıng barysynda Danıal Ahmetov oblys jurtshylyǵyna úndeý tastady.

«Bul - tek arystyqtardyń ǵana emes, búkil Qazaqstan halqynyń basyna túsken aýyr synaq. Osyndaı syn saǵatynda aýyzbirshilik tanytyp, otandastarymyzǵa kómek qolyn sozý azamattyq paryzymyz bolyp tabylady. Sol sebepti, búgingi jıynǵa memlekettik qyzmetshilermen qatar, bıznes ókilderi men jýrnalısterdi de shaqyrdym. Jerlesterimiz arystyqtardyń qaıǵysyna beıjaı qaramaıdy dep senemin. Kásiporyn basshylary óz ujymdarymen kezdesip, áriptesterin qıyn jaǵdaıǵa dýshar bolǵan aǵaıynǵa járdemdesýge shaqyrýy tıis. Tek májbúrleý degennen aýlaq bolyńyzdar. Barlyq jumys erikti túrde júrgizilýi kerek. Qazir apattan zardap shekken otbasylardyń balalaryn Shyǵys Qazaqstandaǵy lagerlerde demaltý máselesin qarastyryp jatyrmyz- degen oblys ákimi, Arys qalasynyń basqa da turǵyndary nazardan tys qalmaıtynyn málim etti.

Danıal Ahmetov Túrkistan oblysynyń halqyna materıaldyq jáne gýmanıtarlyq kómek kórsetý jumystary júıeli ári jarııaly túrde júrgizýli kerektigin eskertti.