Shyǵysqazaqstandyqtar zańsyz saqtalǵan 149 atys qarýyn tapsyrdy
ÓSKEMEN. QazAqparat - Shyǵys Qazaqstan turǵyndary zańsyz saqtalǵan 149 atys qarýyn tapsyrdy, dep habarlaıdy QazAqparat.
Aımaqtaǵy polıtsııa departamentiniń málimetinshe, 2014 jyldan beri el aýmaǵynda Úkimet qaýlysyna sáıkes halyqtan zańsyz saqtalǵan atys qarýyn, oq-dáriler men jarylǵysh zattardy erikti túrde satyp alý aktsııasy ótkiziledi.
«Qarý-jaraq zattaryn óz erkimen tapsyrǵany úshin qarýdyń túri men sanatyna qaraı respýblıkalyq bıýdjetten tólem jasaý kózdeledi, tólem 10-nan 100 AEK-ke deıin, al aqshalaı balamada 31 800-den 318 myń teńgege deıin quraıdy. Eki aıdyń ishinde azamattardan 110 ótinish tústi, 149 birlik atys qarýy, onyń ishinde 26 oıyq jáne 123 tegis uńǵyly qarý qabyldandy, 370 oıyq oq-dárileri jınaldy. Olardyń aldyn ala somasy – 9 846 753 teńge», - dep jazdy vedomstvodan.
