Shyǵysqazaqstandyqtar ekologııalyq aktsııaǵa qatysty
ÓSKEMEN. QazAqparat – Shyǵys Qazaqstan oblysynda respýblıkalyq aktsııa aıasynda 6 myń kóshet otyrǵyzyldy, dep habarlaıdy QazAqparat.
Sharaǵa memlekettik qyzmetshiler, óner jáne qoǵam qaıratkerleri, qala turǵyndary, sonyń ishinde sportshylar men jastar, BAQ ókilderi jáne blogerler qatysty.
Respýblıkalyq aktsııa QR Ekologııa, geologııa jáne tabıǵı resýrstar mınıstrliginiń qoldaýymen uıymdastyryldy. Basty maqsat – elimizde kógaldandyrý jumystaryn júrgizý.
ShQO Tabıǵı resýrstar jáne tabıǵatty paıdalaný basqarmasynyń basshysy Murat Qusaıynovtyń aıtýynsha, búgin aımaqta 6 myń túp kóshet otyrǵyzyldy.
«Biz orman sharýashylyǵynan 13 túrli aǵashty ákeldik. Óskemendegi Esenberlın dańǵylynda 1100 túp, onyń ishinde qaıyń men qylqan japyraqty aǵashtar bar. Jalpy, kóshetterdi egý jumystary kóktemde bastaldy. Sol kezde 132,8 myń túp otyrǵyzyldy. Taıaýda oblystaǵy barlyq mektepte ekologııalyq saǵattar ótkizildi. Oǵan qatysýshylar 4 myń aǵash kóshetin ekti. Aǵymdaǵy jyl sońyna deıin 150 myń túp aǵash kóshetterin otyrǵyzýdy josparlap otyrmyz», - dedi ol.
Aıta keteıik, ekologııalyq senbilikter oblys kóleminde uıymdastyryldy. Kóshelerde sanıtarlyq tazalyq jumystary júrgizildi.
«Osy aǵashtar ósken kezde qalamyz burynǵydan da kórkeıe túsedi. Biz ózimiz turyp jatqan jerdiń ekologııasyn saqtaýymyz kerek. Óıtkeni bul bizden basqa eshkimge kerek emes», - dedi «Ekoservıs-S» JShS dırektory Erik Sandybaev.
