Shyǵysqazaqstandyqtar Astana kúnin atap ótip jatyr
ShQO Aqparat ortalyǵynyń málimetine súıensek, oblystyń qala, aýdandarynda Astana kúnine oraı túrli sharalar uıymdastyrylýda. Onyń ishinde mádenı-buqaralyq, ǵylymı-tanymdyq, sporttyq, qaıyrymdylyq jáne ekologııalyq sharalar bar. Óskemen qalasynda kontsertter, kitap kórmeleri, vıktorınalar, ekskýrsııalar, dóńgelek ústelder men festıvaldar ótýde. Shyǵys Qazaqstan ákimi Ermek Kósherbaev halyqty merekemen quttyqtady.
«Búgin elimizdiń bas qalasy, Qazaqstan táýelsizdiginiń sımvoly – Astana qalasy óziniń 25 jyldyq mereıtoıyn atap ótýde. Eýrazııanyń qaq ortasynda ornalasqan, saıası-ekonomıkalyq jáne mádenı ortalyqqa aınalǵan elordamyzdyń halyqaralyq deńgeıdegi dárejesi jyl saıyn artyp keledi. Astana tórinde álemdik aýqymdaǵy sharalar ótkizilip, el bolashaǵyn aıqyndaı túsken túrli kelisimderge qol qoıylýda. Barshańyzdy Astana kúnimen quttyqtaı otyryp, baq-bereke men amandyq tileımin!», - dedi ol.
Erteń saǵat 17.00-de Óskemendegi Jambyl saıabaǵynda «Ertis kontsert» mekemesiniń shyǵarmashylyq ujymdary men solısteriniń qatysýymen «El júregi – Astana» atty merekelik kontsert ótedi. Barlyǵy oblysta 127 aýqymdy shara ótedi dep josparlanýda.
