Shyǵysqazaqstandyqtar «Astana 20 jyl» medalimen marapattaldy
Oblys ákimi Danıal Ahmetov marapattalǵandarǵa Elbasy amanatyn tabys etip, atqarǵan qyzmetterine alǵysyn bildirdi.
«Elimizdiń mereıli mereıtoıy - Astanamyzdyń 20 jyldyǵymen quttyqtaımyn. Sizderge zor densaýlyq, mol baqyt tileımin. Memleketimizdiń bolashaǵy úshin birge eńbek etip, jetistikterine birge qýanaıyq!» - dedi Danıal Ahmetov.
Atalmysh medal Qazaqstan Respýblıkasy Prezıdentiniń 2018 jylǵy 20 maýsymdaǵy №706 Jarlyǵyna sáıkes Qazaqstannyń jáne onyń Astanasynyń qalyptasýy men damýyna qosqan jandarǵa tabystalýda.
Olardyń arasynda oblystyq aqsaqaldar alqasynyń tóraǵasy Aıtqazy Sherýbaev, Qazaqstan Jazýshylar odaǵy oblystyq fılıalynyń tóraǵasy Álibek Qańtarbaev, ShQO QHA saraptama keńesiniń múshesi Lıýtsııa Abdýllına, «Kamyshınskoe - 2» JShS dırektory Vladımır Akýlov, «Nur Otan» partııasy Óskemen qalalyq fılıaly tóraǵasynyń birinshi orynbasary Maırash Ekibasova, oblystyq meshittiń bas ımamy Ermek qajy Muqataı jáne ózge de azamattar bar.
«Astana. Táýelsizdik. Astana. Osy úsh qasterli sóz oshaqtyń úsh butyndaı tutas bir uǵymǵa aınalǵaly shırek ǵasyr bolyp qaldy. Astanany Arqa tórine kóshirý ıdeıasyn alǵash qoldap áketken qosshylardyń basynda Danıal Ahmetovtiń ózi boldy. Ekonomıkalyq turǵydan aýyr kezeńde Úkimet tizginin ustap, Elordanyń eńse ktikteýine eleýli úles qosqan adamnyń qolynan mereıtoı medalin laýymyzdyń ózinde sımvolıkalyq mán bar» - dedi medal ıegeri Álibek Qańtarbaev.
Jalpy osy medal oblys boıynsha 120-ǵa jýyq abyroıly azamatqa berilmek.
