Shyǵysqazaqstandyq jol polıtsııasy jańa úlgidegi jyldamdyq ólsheýish quraldarymen jabdyqtaldy

Oblystyq Іshki ister departamenti baspasóz qyzmetiniń habarlaýynsha, atalmysh qurylǵylar Shyǵystyń qaqaǵan aıazyna da, aptap ystyǵyna da tótep bere alady. «Vızır 2M» qurylǵysy otyz gradýstan tómen 50 gradýstan joǵary temperatýrada da qalypty jumys isteıdi. Jyldamdyq ólsheýish qurylǵysy batareıa arqyly 4 saǵatqa deıin jumys isteı alady.

«Sonymen qosa quraldyń avtokólikke ornatý múmkindigine asa zor kóńil bólingen. «Vızır 2M» quraly arnaıy daıyndalǵan tireýish arqyly jol polıtsııasy kólikterine ońaı ornatylady. Qurylǵynyń beınekamerasy kez-kelgen jaǵdaıda joldy túgeldeı obektıvke túsiredi. «Sonı» beınekamerasy men kólemdi túrli-tústi sensorly dıspleı avtokólikterdiń memlekettik tirkeý nomerlerin ońaı oqylýyna múmkindik beredi, - deıdi Shyǵys Qazaqstan oblysynyń Іshki ister departamenti Jol polıtsııasy basqarmasy bastyǵynyń orynbasary polıtsııa polkovnıgi P.Nıkıforov.

Onyń sózine qaraǵanda, avtokólikterdiń memlekettik tirkeý nómirlerin 150 metr qashyqtyqtan ońaı oqýǵa bolady. Atalmysh quraldyń 300 kadrge deıin saqtaý múmkindigi bar. «Jyldamdyq ólsheýish quraly arqyly túsirilgen beınelerdi SD-kartada saqtaýǵa, prınterde basyp shyǵarýǵa nemese jelilik port arqyly qosylǵan noýtbýkke birden jiberýge bolady. Qazirgi tańda № 1 jeke batalonnyń esebinde atalmysh jyldamdyq ólsheýish quralynyń 15 birligi tur. Odan basqa «Vızır» jáne «Speed Guard» quraldary da bar, - deıdi Jol polıtsııasy basqarmasynyń arnaıy tehnıka boıynsha aǵa ınjeneri, polıtsııa kishi leıtenanty Alekseı Snegýr.