Shyǵysqazaqstandyq órt sóndirýshi ári qutqarýshy Azııa oıyndaryna joldama aldy
ÓSKEMEN. 31 jeltoqsan. QazAqparat /Lıýdmıla Malko/ - Shyǵysqazaqstandyq órt sóndirýshi ári qutqarýshy, bıatlonshy Sergeı Naýmnık Azııa oıyndaryna joldamany jeńip aldy.
Ol jumys jasaıtyn vedomstvonyń baspasóz qyzmeti habarlaǵandaı, qazirgi kúni S.Naýmnık Qazaqstandaǵy eń úzdik bıatlonshy bolyp sanalady. Jýyrda ótkizilgen respýblıkalyq jarysta onyń 1-oryndy ıelenýi osyǵan dálel. Eki atys shebi bar 10 kılometrlik jarysta Sergeı óz básekelesterinen oq boıy alda boldy. Ýaqyt uzaqtyǵy 40 sekýndty qurady. Nátıjesinde birinshi bolyp júgirip kelgen qutqarýshy-órt sóndirýshi avtomatty túrde aldaǵy Azııa oıyndaryna qatysýshy atandy.
Biraq Azııa oıyndaryna qatysý úshin qazaqstandyq sportshyǵa Germanııada qańtar aıynda ótkiziletin Álem kýbogynyń eki satysynan ótý kerek.
«Daıyndalýǵa ýaqyt jetedi, qys ýaqytynda men shetelde bolsam da, úıde bolsam da shańǵymen jattyǵýdan bir sharshaǵan emespin», - deıdi Sergeı Naýmnık.
