Shyǵysqazaqstandyq 60 dáriger shetelde biliktilik arttyrýda
ÓSKEMEN. QazAqparat – Shyǵys Qazaqstan oblysynda qyrkúıek aıynan bastap 60 medıtsına qyzmetkeri shetelde biliktilik arttyrýda, dep habarlaıdy QazAqparat tilshisi.
ShQO ákimdiginiń málimetine súıensek, óńir dárigerlerin sheteldiń jetekshi klınıkalarynda onkologııa, kardıologııa jáne kardıohırýrgııa, ınsýlt ortalyqtary, neırohırýrgııa, medıtsınalyq ońaltý, akýsherlik jáne gınekologııa sııaqty basym baǵyttar boıynsha oqıdy. Osy jyldyń qyrkúıek aıynan bastap 60 maman Izraıl, Polsha, Reseıdiń jetekshi klınıkalarynda biliktilik arttyryp jatyr.
«Aýrýlardy bastapqy kezeńde anyqtaý úshin jyl basynan beri 449,4 myń adam skrınıngten óttin. 220 telemedıtsınalyq konsýltatsııa ótkizildi. Semeı qalasynda ıAdrolyq medıtsına ortalyǵy paıdalanýǵa berildi. Óskemendegi reanımatsııa, mammologııa jáne gınekologııa, onkologııa jáne hırýrgııa bólimsheleriniń operatsııalyq blogy jańǵyrtyldy. Úrjar aýdany Qabanbaı aýylynda feldsherlik-akýsherlik pýnkttiń qurylysy aıaqtalýda», - dedi aımaq basshysy Danıal Ahmetov.
Onyń aıtýynsha, óńir boıynsha jeti medıtsınalyq jáne feldsher-akýsher pýnktterinde kúrdeli jóndeý jumystary júrgizilip jatyr. Jyldyń basynan bastap emhanalarda 6,7 mıllıon kelýshi tirkelip, statsıonarlarda emdelgender sany 193,8 myń adamǵa jetken.
