Shyǵysqazaqstandyq 57 dáriger shetelde tájirıbe jınap júr
ShQO ákimi Danıal Ahmetov medıtsına salasyna qatysty jıynda Óskemende boı kóteretin gematologııa ortalyǵyna sapaly kadrlar daıarlaý máselesin kóterdi.
«Birneshe dáriger oqý kýrsynan ótip úlgerdi. Ekinshi top qazirgi ýaqytta óz biliktiligin arttyryp jatyr. Mamyr aıynda taǵy 20 maman Reseıdegi balalar gematologııasyna mamandandyrylǵan Almazov pen Rogachevtiń ǵylymı-zertteý ortalyqtaryna barady. Biz jumysqa jańadan kelgenderdi emes, osy baǵytta tájirıbesi bar dárigerlerdi jiberýdemiz», - deıdi aımaq basshysy.
Onyń aıtýynsha, osynyń nátıjesinde ortalyq ashylǵan kezde zamanaýı medıtsınalyq tehnıkamen jabdyqtalyp qana qoımaı, barlyq dárigerler jańa tehnologııalarmen jumys isteýge daıyn bolady.
«Sonymen qatar Óskemendegi №4 qalalyq aýrýhanasynyń bazasynda orta medıtsınalyq personalǵa arnalǵan sımýlıatsııa jabdyǵy bar mektep ashylady. Qabyldanǵan oqytý baǵdarlamasy aıasynda qazir jalpy sany 57 dáriger Germanııa, Izraıl, Lıtva jáne Reseıdiń úzdik klınıkalarynda tájirıbe jınaqtaýda. Olar akýsherlik, hırýrgııa, onkologııa jáne travmatologııa salalary boıynsha kásibı deńgeıin arttyryp júr», - deıdi Danıal Ahmetov.