«Shyǵysenergotreıd» 1 mamyrdan bastap tarıfti kótergisi keledi
ÓSKEMEN. QazAqparat - «Shyǵysenergotreıd» kompanııasy ShQO boıynsha Tabıǵı monopolııalardy retteý jáne básekelestikti qorǵaý departamentine 2017 jylǵy 1 mamyrdan bastap tarıfti kóterýge ótinim berdi, dep habarlady «QazAqparat» HAA tilshisi.
Óńirdiń eki iri qalasynda ótinim berýshiler halyq aldynda tarıfti kóterýge quqyqty talap etetin qoǵamdyq jarııa tyńdaý ótedi. Semeıde 11 sáýirge, Óskemende 12 sáýirge belgilengen. Departamenttiń aqparatyna sáıkes energotreıder ortasha tarıfti 3,9 paıyzǵa kóteretinin aıtty.
Energokompanııa habarlaǵandaı, jarııa tyńdaý rásimi men sońǵy ortasha tarıfti bekitkennen keıin kompanııa elektr energııasynyń qunyn sanat boıynsha bóledi. Búginde tutyný kólemderi boıynsha, táýlik aımaqtary boıynsha jeke jáne zańdy tulǵalar úshin ártaraptandyrylǵan tarıfter jáne ortasha ótkizý tarıfi áreket etedi. Mysaly, halyq úshin «táýlik aımaǵy» tarıfi boıynsha elektrdiń saǵatyna /1 kVt tańǵy 7-den 23-ke deıin 13, 190 teńge (QQS-men), al «túngi kılovatt» - 5, 947 teńge. Zańdy tulǵalar úshin tarıf úsh táýlik aımaǵyna bólingen - túngi, kúndizgi, keshki - 5, 947 teńge, 13, 677 teńge jáne tıisinshe 30, 585 teńge.
Ortasha ótkizý tarıfi eki sanat - zańdy tulǵalar men PIK, saıajaı kooperatıvterine qoldanylady. Alǵashqysy úshin 1 kılovatt 13,677 teńge, saıajaı qoǵamdastyqtary men PIK úshin 11,088 teńge. Gaz jáne elektr plıtalarymen aıqyndalǵan jeke tulǵalar úshin «Tutyný kólemi boıynsha» tarıf barynsha bytyrańqy. Onda jeńildikpen tutyný lımıtimen taǵy úsh deńgeıge bólingen.
Mysaly, jalǵyzbasty zeınetkerler, múgedekter men UOS ardagerleri úshin 120 kılovatt tutyný 8, 844 teńgeden bolsa, al lımıtten joǵary (120-dan 165-ke deıin) - 13,306 teńge, 165 kılovattan joǵary 16,632 teńge.
