Shyǵys shaıyry Nızamı Gánjáýı týyndylarynyń qoljazbasy Túrkııadan tabyldy

ASTANA. QazAqparat - Ázerbaıjan Ulttyq ǵylym akademııa­sy Gıandja bólimshesiniń qyzmetkerleri Túrkııadan Shyǵystyń jeti juldyzynyń biri Nızamı Gánjáýı tý­yn­dylarynyń qol­jazbalaryn taýyp qaıtty.

Bul týraly «Egemen Qazaqstan» gazeti» búgingi sanynda jarııalady.

Anadoly je­rine arnaıy issaparmen jiberilgen olar munda aılap jumys jasaǵan. Osy ýaqyt aralyǵynda ǵylymı qyz­met­kerler Gıandjanyń áskerı-saıası jáne eko­nomıkalyq tarıhyna qatysty 181 arhıv­tik qujat jınap aldy.

Іzdeýshiler Ystambuldyń Súleımanııa kitaphanasynan Ázerbaıjanǵa sondaı-aq, Nızamı Gánjáýıdiń túpnusqasy Frantsııa ulttyq kitaphanasynda saqtaýly turǵan 1365 týyndysynyń 649-ynyń kóshirmesin ala kelgen. Budan bólek, «Hamsaǵa» arnalǵan jazbalardyń 25 mınıatıýralyq kóshirmesi de ákelingen.

Zertteý jumystary kezinde, sol sııaq­ty, Kavkazdyń tarıhyna qatysty kóp­tegen kitaptar men mınıatıýralar qol­jazbalarynyń kóshirmeleri alyn­ǵan. Bular­dyń bári ótken senbi kúni Ázer­baı­jan Ulttyq ǵylym akademııasyna tapsyryldy.