«Shyǵys» razrezinde jańa alań ıgerile bastady - Pavlodar oblysy
ASTANA. QazAqparat - Eýrazııalyq Top (ERG) quramyndaǵy «Eýroazıattyq energetıkalyq korporatsııasy» AQ «Shyǵys» razrezinde «Shyǵys-2» karer alabyn ashý» jobasynyń birinshi kezeńin júzege asyrý sheńberinde jańa alań ıgerilip, kómirdiń alǵashqy tonnalary jóneltildi, dep habarlaıdy pavlodarnews.kz.
«EEK» AQ korporatıvtik baılanystar qyzmetiniń málimetine qaraǵanda, joba quny - 9,3 mlrd teńge. Bıyl kenshiler jańa ýchaskeden 7 mln tonna kómir óndirýdi josparlap otyr. Kómirdiń alǵashqy legin SRs(K)-2000 №4109 rotorly ekskavator ekıpajy jóneltti.
«Bul ekskavator kezdeısoq tańdalǵan joq», - dedi «EEK» AQ «Shyǵys» razreziniń dırektory ıÝrıı Goncharov. - 2017 jyly «EEK» AQ «Shyǵys» razreziniń rotorlyq ekskavatorlaryn jańartý baǵdarlamasynyń alǵashqy kezeńi sheńberinde biz ony jańarttyq. Jańa rotorly dóńgelek ornatyldy, rotorly dóńgelek jeteginiń báseńdetkishi, aýdarý jebesiniń tirek qurylymy men ózge jabdyqtar aýystyryldy. Kompanııa mashınalardy jóndeýge 1 mlrd teńgeden astam qarajat jumsady».
Jańa ýchaskeden alǵashqy kómirdi jóneltý mártebesi «Eýrazııalyq Top» JShS basqarmasynyń tóraǵasy Serik Shahajanovqa usynyldy. Jabyndy taý jynystarynyń qýaty 1015 metr, keıbir jerlerde 3 metrge deıin jetedi. ıAǵnı kómir betki jaqta ornalasqan. Mamandardyń aıtýynsha, jańa ýchaskedegi balanstyq qor 558 mln tonna kómirdi quraıdy. Salystyra aıtsaq, qoldanystaǵy razrezdiń eń tómen óńdeletin núktesi - «-55» belgisi, jer beti deńgeıinen 255 metr tómen ornalasqan. «Shyǵys-2» jobasyn júzege asyrý jalpy razrez boıynsha ashý koeffıtsıentin tómendetýge jáne kómir óndirýge jumsalatyn shyǵyndy azaıtýǵa múmkindik beredi. Jańa alapty arshý jáne qazý jumystaryn qoldanystaǵy qurylǵymen atqarýǵa múmkindik beretin tehnologııalar ázirlengen. Kómirdi tasymaldaý úshin tórt jańa konveıer qurastyryldy jáne qoldanystaǵy bireýi uzartyldy. Olardyń jalpy uzyndyǵy - 1610 metr. - Konveıerlerdiń eń biregeıi - KLP-5 konveıeri sanalady. Ony ornatý ońaı bolmady. Óıtkeni onyń kóp bóligi estakadada ornalasqan, sonyń arqasynda konveıer eki temir jol stantsııalary: «Komsomolskaıa» jáne «ıÝbıleınaıa» temir joldary arqyly ótý múmkindigi bar. Uzyndyǵy 560 metr, - dedi «EEK» AQ «Shyǵys» razreziniń kúrdeli jóndeý bólimi basshysynyń m.a., jobanyń jetekshisi Vıtalıı Bolgov. Sonymen qatar, jobanyń birinshi kezeńiniń sheńberinde 35 kV jáne 6 kV taratý joldary quryldy, PKTPB 35/6 kV kishi stantsııasy kóshirildi. 2018 jyly «EEK» AQ «Shyǵys» razreziniń kenshileri tutynýshylarǵa 18 mln tonnadan astam kómir jóneltýdi josparlap otyr. Onyń 7 tonnasy № 8 jańa ýchaskeden óndirilmek.
