Shyǵys pýmasy resmı túrde joıylǵan ańdardyń qataryna endi
ASTANA. QazAqparat - AQSh-tyń Federaldy tirkeýshisi shyǵys pýmasyn joıylyp ketken ańdardyń tizimine engizdi. Bul týraly Bul týraly QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Feısbýktegi paraqshasynda jazdy, dep habarlaıdy «QazAqparat» HAA tilshisi.
«AQSh-tyń Federaldy tirkeýshisi shyǵys pýmasyn joıylyp ketken ańdardyń tizimine engizdi. Endi álemde bundaı jyrtqysh ań joq. Tek kitap betterinde qala bermek. Alpaýyt Amerıkanyń ózi brakonerlikti jeńe almaýda», - dep jazady Sáken Dildahmet.
Puma concolor nemese shyǵys pýmasy zoolgtardyń paıymdaýynsha, birshama ýaqyt buryn, ıaǵnı joıylǵan ańdardyń tizimine engizilmeı turyp quryp ketken. Tipti ǵalymdardyń bir bóligi mysyq tuqymdas bul ańnyń 1930 jyldary joıylyp ketkenin alǵa tartady. Mysyq tuqymdastardyń osy túri meken etetin Kanada áli shyǵys pýmasyna qatysty ustanymyn bildirgen joq.
Joıylyp ketken ańdardyń eki túri byltyr Reseıde de tirkelipti. Qyzyl Kitapqa engizilip, aýlaýǵa tyıym salynǵanymen qar qoıy men bulanaı (gımalaı) aıýy quryp ketken. Reseılik ǵalymdar buǵan eń aldymen ańshylyq sebep bolǵanyn tujyrymdap otyr.
