Shyǵys pen batystyń damý modeli eki túrli - saıasattanýshy Kamal Burhanov
ALMATY. 6 qańtar. QazAqparat /Erlik Erjanuly/ - Álemde jalǵyz ǵana damý joly joq. Teorııa jaǵynan bolsyn, tájirıbe jaǵynan bolsyn bul múmkin emes. Búgin Almatyda ótken "Shyǵys-Batys dılemmasyndaǵy qazaqstandyq damý joly" dep atalatyn kitaptyń tusaýkeserinde qos avtordyń biri QR Parlament Májilisiniń depýtaty, saıasattaný ǵylymynyń doktory Kamal Býrhanov osylaı aıtty.
"Álemde ártúrli halyqtar bar. Olardyń dástúri, dini, dili árqıly. Sondyqtan árqıly damý joly bar. Máselen ótken ǵasyrdyń bas kezinde damý qarqyny jaǵynan Eýropadan aıtarlyqtaı artta qalǵan shyǵys elderi az ýaqyttyń ishinde olardy qýyp jetti. Olar óz qundylyqtaryna súıenip otyr. Shyǵys elderinde de ózindik demokratııa men ekonomıka bar. Bul eńbekte biz oqyrmanǵa osyny usynyp otyrmyz", -deıdi Kamal Burhanov.
Saıasattanýshy ǵalymnyń aıtýynsha, tarıhta 19-ǵasyr Eýropanyń, 20-ǵasyr AQSh-tyń dáýiri boldy degen tujyrymdama bar. 21-ǵasyr endi Azııa-Tynyq muhıty aımaǵynyń ǵasyry bolmaq. Búgingi tańda 2-3-dárejeli derjavalar osynda shoǵyrlanǵan. Ol álemniń jetekshi kúshine aınalyp otyr. Qoǵamnyń mundaǵy damý joly álemniń erekshe qyzyǵýshylyǵyn týdyrýda. Qazaqstan shyǵystyń damý jolynan óz úlgisin taba aldy. Qazir ol osy baǵytta júrip kele jatyr.
