Shyǵys pen Batys arasynda ashyq dıalog júrgizý qajet – Qazaqstan Prezıdenti
«2030 jylǵa deıin segiz-aq jyl qaldy. Osyǵan deıin Ornyqty damý maqsattaryna qol jetkizýge COVID-19 pandemııasy, «úsh álemdik daǵdarys» (klımattyń ózgerýi, bıoalýantúrliliktiń joǵalýy jáne qorshaǵan ortanyń lastanýy), sondaı-aq dúnıeniń ár buryshyndaǵy qaqtyǵys oshaqtary kedergi keltirdi. Kesh bolmaı turǵanda burynǵy damý soqpaǵyna túsýimiz kerek», - dedi Prezıdent.
Q. Toqaev yqtımal turaqsyzdyqqa qarsy turý qabileti, sondaı-aq ornyqty, teńgerimdi jáne ınklıýzıvti túrde qaıta qalypqa kelýdi qamtamasyz etý – negizgi basymdyǵymyz ekenin atap ótti.
«Osylaısha, Shyǵys pen Batys arasynda ashyq dıalog júrgizý qajet, sondaı-aq ózara senim men kópjaqty yntymaqtastyq qaǵıdattaryna negizdelgen qaýipsizdiktiń jańa jahandyq paradıgmasyn ornatý kerek. Qazirgi daǵdarys jaǵdaıy men geosaıası teketiresterdiń kúsheıýin eskere otyryp, BUU aıasynda halyqaralyq shıelenisti báseńdetý jáne qaqtyǵystardy boldyrmaý jumystaryn júrgizý qajet», - dedi Memleket basshysy.
Budan buryn habarlanǵandaı, Qazaqstan Prezıdenti Qasym-Jomart Toqaev Birikken Ulttar Uıymy Bas Assambleıasy 77-sessııasynyń Jalpy debatynyń ashylýyna qatysyp otyr.
Oǵan deıin Memleket basshysy BUU Bas Assambleıasy 77-shi sessııasynyń aıasynda Eýropalyq komıssııa prezıdenti Ýrsýla fon der Lıaıenmen ekijaqty kelissóz júrgizdi.
Qasym-Jomart Toqaev Birikken Ulttar Uıymy Bas Assambleıasy 77-sessııasy plenarlyq otyrysynyń aldynda Iordanııa Koroli ІІ Abdallamen áńgimelesti.
