«Shyǵys» óńirlik qolbasshylyǵynyń sarbazdary túngi atys-jattyǵýlaryna mashyqtandy

ASTANA. QazAqparat - «Shyǵys» óńirlik qolbasshylyǵyna qarasty 40398 áskerı bóliminiń 150-den asa áskerı qyzmetshileri dalalyq jattyǵýlardy júzege asyrdy, dep habarlady Qorǵanys mınıstrliginiń baspasóz qyzmetinen.

Kúnniń ystyǵyna qaramastan 1- shi motoatqyshtar batalonynyń jeke quramy, onyń ishinde úsh motoatqyshtar rotasy, mınaatqysh batareıasy jáne atýdy qoldaý rotasy áskerı bólimnen 45 km jerde ornalasqan «Izendi» oqý-jattyǵý polıgonyna baryp, atalǵan aýdanǵa qajetti áskerı tehnıkalardy jóneltti. Jaýyngerler dalalyq jaǵdaıda bir apta ýaqytyn ótkizedi. Túngi ýaqytta olar AK-74 jáne Dragýnov mergen vıntovkasynan atýdy oryndady. Kúndiz taktıkalyq-saptyq jattyǵýlar men áskerı kólikterdi júrgizýge kiristi. Osylaısha, jeke quram óziniń jaýyngerlik daıarlyǵyn nyǵaıtyp, kúndizgi jáne túngi ýaqyttaǵy dalalyq jaǵdaıda jaýyngerlik tapsyrmalardy oryndaýǵa beıimdeledi. «Osyndaı dalalyq jattyǵýlar bólimsheler komandırleri úshin erekshe tájirıbelik sabaq bolyp tabylady. Olar jeke qurammen urys is-qımylyna keltirilgen jaǵdaılarda jumys istep úırenedi; jaýyngerler úshin baǵyt-baǵdar beretin, úlgi sanalatyn komandırdiń kúrdeli tapsyrmalarynyń qyr-syryn úırenedi. Kez-kelgen operatsııanyń sátti aıaqtalýy komandırdiń is-qımylynyń durystyǵyna baılanysty», - dep «Shyǵys» óńirlik qolbasshylyǵy atap ótti.