«Shyǵys» óńirlik qolbasshylyǵynyń brıgada, batalon komandırleri men serjanttary marapattaldy
Bul týraly Qorǵanys mınıstrliginiń baspasóz qyzmetinen habarlady.
Jaýyngerlik oqýdyń ótken kezeńi ishindegi qorytyndysy jáne aldaǵy josparlardy egjeı-tegjeıli talqylaý jıynnyń basty taqyrybyna aınaldy. Atalmysh keńesti «Shyǵys» óńirlik qolbasshylyǵy áskerleriniń qolbasshysy general-maıor Vasılıı Rysbaev basqardy.
Aıagóz garnızonynyń jıyn ótkizý orny bolyp belgileni kezdeısoq emes. Qysqy oqý kezeńiniń qorytyndysy boıynsha Aıagóz garnızonynyń áskerı bólimderi «Shyǵys» óńirlik qolbasshylyǵy áskerı garnızondary arasynda jaýyngerlik daıarlyqtyń eń joǵary kórsetkishterine qol jetkizdi.
Eń úzdik bólimderdiń birindegi jaýyngerlik daıarlyq jáne tárbıe jumystary júıesimen tanysyp, tájirıbe almasý tank brıgadasynyń bazasynda ótkizildi.
Basqosý barysynda «Shyǵys» óńirlik qolbasshylyǵynyń keıbir brıgada jáne batalon komandırleri men serjanttaryna qyzmettegi tabystary, sondaı-aq túrli jaýyngerlik daıarlyq is-sharalaryna belsendi qatysqany úshin medaldar, maqtaý qaǵazdary tabys etilip, alǵystar jarııalandy.