«Shyǵys» óńirlik qolbasshylyǵyna qarasty bólimderdiń kishi ofıtserler quramy qaıta emtıhan tapsyrdy
Nátıjesinde olardyń 40 %-y ózderiniń áskerı bilimderin, eptiligin dáleldep, joǵarǵy laýazymdar rezervine qosýǵa usynyldy. Qalǵan 60 %-y barlyq synaqtar men emtıhandardy sátti tapsyryp, ózderiniń kishi býyn komandırleri retindegi biliktiligin kórsetti. «Shyǵys» óńirlik qolbasshylyq áskerleri qolbasshysynyń basqarmasy kadrlar bóliminiń bastyǵy podpolkovnık Mıhaıl Pıchkarevtyń aıtýynsha, ofıtserlik quramdy attestattaý - túrli deńgeıde daıyndalatyn komandırlerge baǵa berý. Sonymen qatar, ózderin qyzmette jaqsy qyrynan kórsetken talantty ofıtserlerge, jańa mansaptyq ósý satysyn aıqyndaý bolyp tabylady. QR Qarýly Kúshterinde attestatsııa ár úsh jylda júrgiziledi. Odan ataǵy men laýazymyna qaramastan barlyq ofıtserler ótedi. Bala kútimi jónindegi demalystan keıin qyzmetke kirisken áıel-áskerı qyzmetshiler, sondaı-aq 2015 jylǵy joǵary áskerı oqý ornyn bitirýshilerden basqalarynyń barlyǵy ótedi.
Esterińizge sala ketsek, bıyl QR QK ofıtserler korpýsyn josparly attestattaýy eki kezeń boıynsha ótýde. Aǵymdaǵy jyldyń 12 qańtary men 1 maýsymynda ofıtserler, áskerı laýazymdaǵy qyzmetkerler, batalondar (dıvızıondar), bólimder komandırleri men olardyń orynbasarlary, sondaı-aq qyzmette jáne jeke minez-qulqynda kemshilikteri bar ofıtserler ótti. Atap aıtsaq, osy jyldyń 1 maýsymynan bastap 1 qarashaǵa deıingi ekinshi kezeńde qalǵan bar ofıtserlik quram attestatsııadan ótetin bolady.