Shyǵys óńiri Reseımen mádenı baılanysty nyǵaıtpaq
ÓSKEMEN. QazAqparat - Shyǵys Qazaqstan oblysynyń ákimi Reseıdiń bas konsýly Mıhaıl Korolevty qabyldap, mádenı baılanysty nyǵaıtý máselelerin talqylady.
Oblys ákiminiń baspasóz qyzmetiniń habarlaýynsha, Danıal Ahmetov kórshi eldiń jaqyn ornalasqan aımaqtary arasynda teatr kerýenin uıymdastyrýdy usynǵan. Sondaı-aq, ol D.Serikbaev atyndaǵy tehnıkalyq ýnıversıtet qabyrǵasynda atom salasynyń mamandaryn daıarlaý qolǵa alynǵanyn atady.
«Bizde atom óndirisin damytýǵa qajet biregeı óndiris pen qajetti jaǵdaıdyń bári bar. Birneshe jyldan keıin Qytaımen, Frantsııamen birlesip jylý reaktorlaryna balama ónim shyǵarmaqpyz. Atom salasynyń mamandaryn sol úshin ózimizde daıyndaımyz» - dedi Danıal Ahmetov.
Al ekijaqty mádenı baılanysty nyǵaıtýǵa óńirlik teatrlardy tartý kózdelip otyr.
«Eki jaq seriktestigi konstrýktıvti sıpat alǵanyn qalaımyn. Mysaly, mádenıet salasynda tájirıbe almasý jumysyn jandandyrý qajet. Bizdiń teatrlar sizderge, sizderdiki bizdiń óńirge sapar jasaýy kerek» - dedi ol.
Sońǵy 1 jylda Reseı men ShQO arasyndaǵy syrtqy taýar aınalymy 10 paıyzǵa artqan.
