Shyǵys Qytaıdaǵy jappaı tártipsizdikter saldarynan 30 adam zardap shekti
ASTANA. QazAqparat - Shyǵys Qytaıdaǵy jappaı tártipsizdikter saldarynan 30 adam zardap shekti, dep habarlady ITAR-TASS.
«Sınhýa» agenttiginiń habarlaýynsha, Hanchjoý qalasyndaǵy qaqtyǵystar qoqystardy jaǵatyn zaýyt qurylysy josparyna qarsy mıtıngide tutandy.
Bılik oryndarynyń málimetteri boıynsha, zardap shekkenderdiń ishinde keminde 10 qarsylyq bildirýshi men 20 polıtseı bar.
Bir qarsylyq bildirýshi eleýli jaraqat aldy, biraq onyń ómirine qaýip joq, sondaı-aq bir polıtseı de edáýir jaraqat aldy.
Aktsııa kezinde 30-dan astam mashına tóńkerildi. Qarsylyq bildirýshiler eki polıtseı mashınasyn jaǵyp jiberdi jáne tórteýin búldirdi.
Qarsylyq bildirýshilerdiń pikirinshe, qoqys jaǵatyn zaýyt qaladaǵy onsyz da nashar qorshaǵan ortaǵa eleýli zııan keltiredi, dep habarlady ITAR-TASS gonkong BAQ-yna silteme jasap.
