Shyǵys Qytaıda jeńil kólik top adamǵa soǵyldy, úsheýi qaza tapty
ASTANA. QazAqparat - Búgin Qytaıdyń Tszıansı provıntsııasynyń ońtústik-shyǵysynda jeńil kólik bir top adamǵa soǵylyp, úsh adam ajal qushty, taǵy 18 adam zardap shekti.
Bul týraly jergilikti bılik málim etti, dep habarlady Sınhýa.
Jergilikti polıtsııa habarlamasyna sáıkes apat Fensın ýezi joldarynyń birinde saǵat 07:15-te oryn aldy. Qurbandar men zardap shekkenderdiń basym bóligi mektep oqýshylary.
Zardap shekkender aýrýhanaǵa jetkizildi, júrgizýshi ustaldy.
Tergeý júrgizilip, oqıǵanyń mán-jaıy anyqtalýda.
