Shyǵys Qytaıda haıýanattar baǵy qyzmetkerine shabýyl jasaǵan arystandy atyp tastady
ASTANA. QazAqparat - Búgin qytaıdyń shyǵysyndaǵy Shandýn provıntsııasynda jyrtqysh ańdardy úıretýshige shabýyl jasap, tordan shyǵyp ketken arystandy atyp tastady.
Atalǵan saıabaq ornalasqan Taıshan taýy týrıstik aımaǵy ákimshiliginiń habarlaýynsha, qaıǵyly oqıǵa tańǵy saǵat 6:20-da, úıretýshiniń arystan turatyn torǵa tazalaý úshin kirgen sátinde bolǵan.
Jyrtqysh ań talaǵan qyzmetker aýrýhanada kóz jumdy.
Týrısterdi tosyn qaýipten saqtaý úshin qashyp shyqqan arystandy atýǵa polıtsııa shaqyryldy. Keleńsiz jaǵdaıǵa baılanysty tekserý jumystary júrip jatyr, dep habarlaıdy Sınhýa.
