Shyǵys Qytaı teńizinde keme apat dabylyn jiberdi
TOKIO. QazAqparat – Qazirgi kezde Japonııadan ońtústik-batysqa qaraı, Shyǵys Qytaı teńizinde júzip júrgen Panama eliniń kemesi kómekke shaqyrý dabylyn jiberdi. Bul týraly QazAqparat NHK telearnasyna silteme jasap habarlaıdy.
Onyń málimetinshe, keme Kagosıma prefektýrasynyń quramyna kiretin shalǵaıdaǵy Amamı araldarynan batysqa qaraı 185 shaqyrym jerde júzip ótken. Onyń bortynda 43 adam bar.
Kyodo agenttiginiń málimetinshe, kemede Fılıppın eliniń 39 azamaty, Jańa Zelandııadan eki azamat, Avstrııanyń bir azamaty jáne Sıngapýrdyń bir azamaty bar. 14 tamyzda keme Jańa Zelandııa kemejaıynan shyǵyp, Qytaıǵa qaraı júzgen.
Japonııanyń jaǵalaýdaǵy kúzet qyzmeti kemeniń apatqa ushyraýy yqtımal aýmaqqa óz kemeleri men tikushaqtaryn jiberdi.
