Shyǵys Qazaqstannyń taýly jerlerinde qar áli kóp
ÓSKEMEN. QazAqparat – Shyǵys Qazaqstan oblysynda búgin birneshe ret jasandy jolmen qar kóshkini júrgizildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búginde oblystyń taýly aımaqtarynda qar áli de kóp. Keı jerlerde qar qalyńdyǵy 40-tan 60 sm-ge deıin jetedi.
«Soǵan oraı qar kóshkininiń aldyn alý jumystary jalǵasýda. Búgin Katonqaraǵaı aýdanyndaǵy «Berel-Rahman qaınarlary» tasjolynyń 432-438 shaqyrymynda jasandy jolmen 890 sharshy metr, Altaı aýdanyndaǵy «Altaı-Bogatyrevo» tasjolynyń 3 ýchaskesinde 770 tekshe metr qar túsirildi», - dep habarlady vedomstvo ókilderi.
Osy rette, qutqarýshylar turǵyndarǵa barynsha abaı bolyp, taýǵa shyqpaý qajettigin eskertti.
Esterińizge sala ketsek, ShQO-da 11 sáýirge deıin qar kóshkini júrý qaýpi saqtalatynyn habarlaǵan bolatynbyz.
