Shyǵys Qazaqstannyń taýly jerlerinde 30 jeltoqsanǵa deıin qar kóshkini júrý qaýpi bar

ÓSKEMEN. QazAqparat – Shyǵys Qazaqstan oblysynda 30 jeltoqsanǵa deıin qar kóshkini júrý qaýpi bar, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 27-30 jeltoqsan aralyǵynda óńirde qar kóshkini júrý qaýpi bar.

«Meteorologııalyq jaǵdaıdyń ózgerýine, jıi qar jaýýyna jáne jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette, turǵyndarǵa barynsha abaı bolý, eshbir jaǵdaıda taýǵa shyqpaý qajettigin eskertemiz. Eger qandaı da bir qıyndyqqa tap bolsańyz, birden 112 nómirine qońyraý shalyńyz», - dep habarlady vedomstvo ókilderi.

Sondaı-aq, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.

Foto: ShQO TJD