Shyǵys Qazaqstannyń taǵy bir qalasynda «Sergek» kameralary iske qosylady

ÓSKEMEN. QazAqparat – Shyǵys Qazaqstan oblysyndaǵy Rıdder qalasynda «Sergek» kameralary iske qosylmaq, dep habarlaıdy QazAqparat tilshisi.

Qala ákimdiginiń málimetine súıensek, osy ýaqytqa deıin Rıdderdegi kólik qozǵalysyn jol saqshylary qadaǵalap keldi.

Endi sybaılas jemqorlyq táýekelderin azaıtý jáne joldaǵy qaýipsizdikti kúsheıtý maqsatynda kóshelerge «Sergek» apparattyq-baǵdarlamalyq kesheniniń kameralary ornatylady.

«Polıtsııa departamentiniń qyzmetkerleri qalaǵa kelip, osy boıynsha talqylaý ótti. Endi jaqyn arada kólik kóp júretin jerlerge 60 beınebaqylaý kamerasy ornatylady. Olardan túsetin aqparattardy bir jerde tekserip otyrý úshin arnaıy ortalyq ta ashylady», - deıdi Rıdder qalasynyń ákimi Dmıtrıı Gorkovoı.

Esterińizge sala ketsek, osyǵan deıin Semeıde «Sergek» kameralary maýsym aıynda iske qosylatynyn habarlaǵan edik.